أبوسعيدة وبس
المديرالعام
عدد الرسائل : 632
العمر : 41
تاريخ التسجيل : 31/12/2007
بطاقة الشخصية
www.mohamed.com: 2
 |  موضوع: الحقوا بسرعة شوفوا شوبير بيعمل اية بعد فشل المنتخب فى غانا, نقل مباشر و حصرى  الثلاثاء فبراير 26, 2008 4:05 am | |
| بسم الرحمن الرحيم
ستشاهدون معى برنامج الدرجة الثالثة بعد خروج مصر من بطولة افريقيا 2008
متتخضوش احنا خدنا البطولة
ايوة احنا الأبطال الحمد لله
و لكننا سنشاهد البرنامج و كأننا خرجنا لا قدر الله
شوبير مستضيف كل حبايب حسن شحاتة
مجدى عبد الغنى و حسام حسن و ابراهيم حسن و بشير التابعى
شوبير : كابتن حسام اية اللى كان ناقص منتخب مصر هل التشكيل خاطىء ولا الخطة و لا اية قولى يا كبتن حسام الناس عايزة تعرف
حسام : الحقيقة يا كابتن شوبير المنتخب كان ناقص قائد فى الملعب
شوبير : زى مين يعنى؟
حسام : يعنى اة احمم.... لاعب يكون عندة خبرة و روح و قوة شخصية و عنده 42 سنة
شوبير : تفتكر يا كابتن ابراهيم حسن مين القائد اللى افتقدة منتخب مصر ؟ حسام مثلاً؟
شوبير : معلش يا كابتن ابراهيم معانا تليفون من الكابتن طارق السيد
شوبير : كابتن طارق السيد انت لية ماشاركتش رغم خبرتك الكبيرة فى الكرة الأفريقية اللى بتفوق طبعاً خبرة سيد معوض ؟ انت كنت مصاب؟
طارق السيد : و الله يا كابتن انا سليم و كان نفسى اشارك لكن الكابتن حسن بقى ......
شوبير : قول يا طارق الكابتن حسن اية؟
طارق السيد : الكابتن بيضطهد لاعبى الزمالك
شوبير : لية يا كابتن دنتوا ولاد مصر و تفتكر يا طارق احنا فشلنا لية ؟ هل الفكر التدريبى لم يجارى المدربين الكبار مثل جيلى و اوتوفيستر و هنرى ميشيل و كلود لوروا؟
طارق السيد : و الله يا كابتن انا كنت بالعب اساسى مع هنرى ميشيل و دة مدرب عالمى لكن الكابتن حسن بقى.......
شوبير : شكراً يا طارق و معانا جمال حمزة على التليفون
جمال حمزة : ايوة يا كابتن شوبير انا حزين جداً و شايف ان فى لاعيبة كان لازم تنضم للمنتخب
شوبير : زى مين يا جمال
جمال : زى بشير مثلاً يا كابتن حضرتك شوفت الدفاع كان مهتز و كان محتاج بشير
شوبير : قوللى يا كابتن بشير كان نفسك تلعب؟
بشير : طبعاً يا كابتن انا لاعيب كبير و كنت محترف و حققت بطولات و المنتخب كان محتاجنى فى البطولة دى
شوبير : الحقيقة انا هجنن لاعيبة كبار و متحمسين جداً و مع ذلك منضموش للمنتخب و سيادة الريس وفر كل حاجة للمنتخب و الأستاذ علاء و الأستاذ جمال دة غير الدور الجبار لأتحاد الكرة اللى وفر كل شىء , يبقى المشكلة فى مين؟؟؟؟؟؟؟؟؟؟
ابراهيم حسن : المشكلة فى الأدارة الفنية يا كابتن
شوبير : قول تانى كدة يا ابو خليل
ابراهيم : احنا يا كابتن مع الكابتن جوهرى كنا بنتأهل نفسياً و فنيا ً للمباراة دة غير الفكر التكتيكى للكابتن جوهرى لكن انا مشفتش بصمة فنية فى البطولة دى
شوبير : انا عاجبانى صراحتك جداً يا كابتن ابراهيم و لا اية يا كابتن مجدى عبد الغنى
مجدى : مفيش شك ان المنتخب افتقد للبصمة الفنية و التكتيكية , انا لما كنت فى البرتغال كان اهم حاجة البصمة الفنية و التكتيكية و كمان ضربة الجزاء اللى ضيعها حسنى عبدربة مكنش مركز فيها , انا لما شوطت ضربة الجزاء فى هولندا كان عندى ذكاء شديد و حنكة لكن حسنى معندوش
شوبير : انا معجب بصراحتك يا كابتن مجدى الحقيقة بالصراحة دى هنقدر نصل لحلول
و نستنتج من الحلقة دى أن :
- سيادة الريس راعى الرياضة و الرياضيين و مبخلش بحاجة على الفريق
- فى لاعبين كبار و يمتلكوا الخبرة و لم يشملهم الأختيار
- اتحاد الكرة وفر كل سبل النجاح لكن الأدارة الفنية مكنتش على مستوى البطولة
بالذمة مش لو كان المنتخب لا قدر الله طلع من البطولة كان هيقول كده ولا ايه؟؟؟
--------------------
علمتـــــــــــــــــــــــنى الحيــــــــــاه ان احتـــــــــــرم عقــــــــول البشــــــــر ولكــــــــــــــــن!!!!!! لا اثق بهــــــــــــــــــا هو حد فاهم حاجه
كنت عايز اقول حاجه
انا حبيت من قلبي حاجه
هي بجد كل حاجه
هو حد غيري شافها
او على الحصان خطفها
او في قلبه زيي شالها
وحبها بطريقتي وعرفها
هي لايقه موت عليا
ايوه هي مخلوقه ليا
عينها مني وعينها عليا
عادي بقى ادلع شويه
لأ بجد دي حاجه تانيه
حاجه مش موجوده في الدنيا
عشت سنين بدور عليها
والنهايه حبيتها في ثانيه
| |
|
